ZUCHU KATIKA PENZI LAKE NA DIAMOND NI KAMA ILE SENTENSI YA NATAKA SITAKI...AKIRI KWENDA NAYE DINNER,KUMPIKIA

MWANADADA ambaye kwa sasa yuko kwenye ubora wake katika muziki wa kizazi kipya Zuhura Othman Soud maarufu kwa jina la Zuchu ameweka wazi kuwa amewahi kutoka 'Out' na Bosi wake Nasseb Abdull a.k.a Diamond kwa ajili ya kupata Dinner.

Mbali ya kupata Dinner pamoja amesema amewahi kumpikia chakula nyumbani kwake lakini ameshindwa kuweka wazi iwapo wawili hao wanatoka kimapenzi.Kila alipoulizwa Kama ana uhusiano na Diamond ,Zuchu ameshindwa kujibu huku akibaki kucheka na wakati akisema hapana.

Akizungumza katika kipindi Cha Mashamsham kilichorushwa leo na Redio ya Wasaf FM, Zuchu amezungumza mambo mbalimbali kuhusu muziki wake na tasnia ya muziki kwa ujumla huku akielezea jinsi anavyomfahamu Diamond.

Alipoulizwa iwapo kuna jambo zito linakuja kati yake na Diamond, Zuchu amesema hakuna lakini amekiri Anko Shante ambaye ni mume wa mama yake Diamond amefika nyumbani kwao,ingawa hajui alikwenda kufanya nini."Sijui Kama nimetolewa mahari,Anko Shante amekwenda nyumbani ,labda kuna mambo yao walikwenda kuongea maana wale wakubwa.Kuhusu kutolewa mahali ndio nasikia kwenu."

Watangazaji wa kipindi hicho wakiongozwa na Dida Shaibu walitaka kufahamu iwapo anataka kuolewa na Diamond Zuchu alionekana kung'ata maneno lakini watangazaji hao walithitisha kuwa na uhusiano na alipoulizwa Februari 14 ambayo ni siku ya wapenda nao amesema atakuwa na mpenzi wake.

Hata hivyo kadri alivyokuwa akiendelea kuhojiwa Zuchu anaonesha licha ya kutaka kuficha uhusiano wake lakini haikuwa rahisi kwani watangazaji walikuwa na data zote kuhusu mahusiano ya Diamond na Zuchu.

Wakati wa kipindi hicho Mama Dangote pamoja na ndugu zake Diamond walikuwa wakifuatilia mahojiano ambapo Zuchu alipoulizwa Diamond anapenda chakula gani amejibu anapenda ndizi na mama Dangote anapenda Pweza.

Hata hivyo kwa mujibu wa Juma Lokole ambaye naye ni mtangazaji wa kipindi jicho amethibitisha Diamond amepeleka mahali na barua ya uchmba, barua ya uchumba imepelekwa na Anko Shamte.

Akiendelea kuzungumza Zuchu amekiri hakuna jambo lolote ambalo anaweza kulifanya bila kupata idhini ya Diamond , alipoulizwa anafanya kivyo kama nani akajibu kama Bosi wake.Alipoulizwa kama yeye anaficha uhusiano wake na Diamond, anatamani Diamond amuoe nani kati ya Hamisa Mobeto,Zari Hassan na Tanasha,ameshindwa kujibu swali hilo na kubakia akicheka tu.

Alipoulizwa kama anamuonaje Diamond katika eneo la mapenzi,amejibu ni mtu mzuri, anajua kupenda na mtu ambaye si mchoyo,alipotakiwa kueleza amejuaje akasema anaona kwa wanawake ambao Diamond amekuwa nao(Nimeona kwa Mawifi zetu).