Soma Habari Husika

Wawili wafa, nane wakijeruhiwa ajali ya Kimara

• Na Asha Business
• January 28, 2022

 Watu wawili wamefariki dunia papohapo na wengine nane kujeruhiwa katika ajali iliyosababishwa na lori lililowafuata abiria katika kituo cha daladala Kimara Suka jijini Dar es Salaam.

Akizungumza na Jembe FM  leo Ijumaa Januari 28, 2022 Kamanda wa Jeshi la Polisi Kanda Maalum ya Dar es Salaam, Jumanne Murilo amesema watu hao walikuwa wakisubiri usafiri katika kituo hicho.

Amesema ajali hiyo iliyosababishwa na lori imehusisha na baadhi ya vyombo vingine vya usafiri ikiwemo daladala, bajaji na pikipiki.

“Watu wawili wamefariki dunia na wanane wamepata majeraha wengine wamepelekwa Hospitali ya Taifa Muhimbili na wengine wamepelekwa Mloganzila,” amesema Kamanda Murilo.

Kamishna Msaidizi wa Jeshi la Polisi Usalama wa Barabarani Taifa, ACP Abdi Isango ambaye aliyefika eneo la tukio na katika mahojiano yake na Mwananchi amesema ajali hiyo imehusisha watu na vyombo vya usafiri.