Soma Habari Husika

Museveni akanusha kuunga mkono uchaguzi wa Kenya - ripoti

• Na JZ The Brand
• January 25, 2022

Rais wa Uganda Yoweri Museveni amesema hataegemea upande wowote katika uchaguzi wa urais wa Kenya utakaofanyika Agosti 9, zinasema ripoti katika gazeti la New Vision linalomilikiwa na serikali.

Alipuuzilia mbali madai kuwa Uganda na Chama tawala cha National Resistance Movement Party (NRM) kinamuunga mkono Naibu wa Rais wa Kenya William Ruto.

“Uchaguzi nchini Kenya au nchi nyingine yoyote ya Kiafrika ni suala la watu wa nchi hiyo. Sisi kamwe hatujihusishi na masuala ya ndani ya nchi nyingine. Kwa hivyo, hatuegemei upande wowote katika uchaguzi wa Kenya,” Bw Museveni alisema.

Bw. Ruto amezuru Uganda mara kadhaa, ikiwemo mwaka 2015 wakati alipoungana na Rais Museveni katika mkutano wa kampeni katika mji wa “Uchaguzi nchini Kenya au nchi nyingine yoyote ya Kiafrika ni suala la watu wa nchi hiyo. Sisi kamwe kuchukua upande katika masuala ya ndani ya nchi nyingine. Kwa hivyo, hatuna upande wowote katika uchaguzi wa Kenya,” Bw Museveni alisema.

Bw Ruto amefanya ziara kadhaa nchini Uganda, ikiwa ni pamoja na mwaka wa 2015 alipoungana na Rais Museveni kwenye mkutano wa kampeni katika mji wa Kapchorwa mashariki mwa nchi hiyo.

Bw Museveni mwaka jana alimwalika Bw Ruto kuwa mgeni wake mkuu wakati wa uzinduzi wa kituo cha kutengeneza chanjo katikati mwa Wilaya ya Wakiso.

Mnamo Agosti mwaka huo huo, mamlaka ya uhamiaji ya Kenya ilimzuia Bw Ruto kusafiri kwa ndege hadi Uganda kwa kile alichokiita ziara ya kibinafsi.

Bw Ruto na kiongozi mkongwe wa upinzani Raila Odinga wanaonekana kuwa mstari wa mbele katika kinyang'anyiro cha kumrithi Rais Uhuru Kenyatta.