Kilimanjaro: Nyumba 20 Zasobwa na Maji, Mmoja Afariki

Na Asha Business
February 9, 2022

MVUA kubwa zilizoambatana na upepo mkali zinazoendelea kunyesha baadhi ya maeneo ya mkoa wa Kilimanjaro, zimeezua mapaa na kubomoa nyumba 20 zilizoko katika Kijiji cha Munge Kata ya Donyomurwak Wilaya ya Siha,na kusababisha kifo cha mtu mmoja.

Mkuu wa Wilaya ya Siha, Thomas Apson, amesema mvua hizo zilizoambatana na upepo ambazo zilinyesha Februari 6 na 7 mwaka huu, mbali na kuezua paa pia zimebomoa Kanisa moja na Kiwanda cha ufugaji wa Nguruwe.

Amesema baada ya nyumba hizo kuezeuliwa, zaidi ya kaya 20 hazina makazi ya kuishi na kwa sasa zinahifadhiwa na wasamaria wema na msaada wa haraka wa haraka wa chakula na malazi unahitajika.

Aidha Mkuu huyo wa Wilaya, ameitaka serikali ya kijiji kupitia kamati ya maafa kuwasaidia wananchi hao, wakati kamati ya maafa ya wilaya ikifanya tathimini kujua madhara yaliyotokea katika familia hizo