MPIGA DEBE ACHOMWA KISU KIFUANI KISA ABIRIA

Na Asha Business
March 29, 2022

Jeshi la Polisi Mkoa wa Morogoro linamshikilia Abdilah Yassin mkazi wa Kihonda Manispaa ya Morogoro mpigadebe katika kituo kikuu cha mabasi cha Msamvu mkoani Morogoro kwa kusababisha mauaji kwa kumchoma kisu mpigadebe mwenzie Tazani Mndeme mkazi wa Mwembesongo wakigombea abiria.

Kamanda wa Polisi Mkoa wa Morogoro Kamishna Msaidizi wa Jeshi la Polisi (SACP) Fortunatus Musilimu amethibitisha kutokea kwa tukio hilo.

Amesema katika ugomvi huo wa kugombea abiria Abdilah Yassin ambaye anafika zaidi kwa jina la “HAJIMONGA BONGE” alimchoma kisu kifuani upande wa kushoto Tazani Mndeme ambapo alikimbizwa hospitali ya Rufaa Mkoa wa Morogoro na kufariki wakati akipatiwa matibabu hospitalini hapo.