Trump amtetea Bin Salman kuhusu mauaji ya Khashoggi

Wakati Mwanamfalme wa Saudi Arabia Mohammed bin Salman anafanya ziara yake ya kwanza Washington tangu mwaka 2018, yeye na Donald Trump walihojiwa Jumanne, Novemba 18, kuhusu mauaji ya Jamal Khashoggi yaliyotokea mwaka 2018 katika ubalozi wa Saudi Arabia huko Istanbul. Rais wa Marekani amesema kwamba mwandishi wa habari huyo alikuwa "mtu mwenye utata sana," lakini mwanamfalme"hakujua chochote kuhusu mauaji hayo." Akipokelewa kwa shangwe kubwa, Mohammed bin Salman ametaja"kosa kubwa."

Hili ni jambo la mzozo ambalo limeathiri uhusiano kati ya Marekani na Saudi Arabia kwa muda mrefu. Siku ya Jumanne, Novemba 18, katika Ikulu ya White House na akiwakabili waandishi wa habari pamoja na mgeni wake Mohammed bin Salman, Mwanamfalme wa Saudi Arabia, Donald Trump alihojiwa kuhusu mauaji ya mwandishi wa habari Jamal Khashoggi yaliyotokea mwaka 2018.

"Unamrejelea mtu mwenye utata sana. Watu wengi hawakumpenda mtu huyu unayemzungumzia, iwe ulimpenda au la. Mambo yalitokea, lakini yeye (Mohammed bin Salman) hakujua chochote kuhusu mauaji hayo," rais wa Marekani alisema katika Ofisi ya Oval, akiandamana na mwanamfalme wa Saudia.

"Na tunaweza kuishia hapo. Huna haja ya kumwaibisha mgeni wetu kwa kumuuliza swali kama hilo," aliongeza, akionekana kumkasiriki mwandishi wa habari wa ABC ambaye alikuwa ameuliza swali hilo kuhusu mwandishi wa zamani wa safu wa Gazeti la Washington Post.

"Kosa kubwa"

Kwa upande wake, Mohammed bin Salman (MBS) alitaja kipindi "chenye uchungu" kwa Saudi Arabia. "Tumechukua hatua zote muhimu kufanya uchunguzi," aliongeza. "Ni huzuni na uchungu, na ni kosa kubwa. Na tunafanya kila tuwezalo kuhakikisha kwamba halitatokea tena."

Mohammed bin Salman, mtawala halisi wa Saudi Arabia, anafanya ziara yake ya kwanza Washington tangu mauaji ya Jamal Khashoggi, mwandishi wa habari aliyeishi Marekani na mkosoaji wa utawala wa Saudi Arabia, mauaji ambayo yalitokea mnamo mwezi Oktoba 2018 baada ya kuwa karibu nao. Aliuawa katika ubalozi mdogo wa Saudi Arabia huko Istanbul, Uturuki, na maafisa waliotumwa kutoka Saudi Arabia.

Mwili wake uliokatwa viungo haujawahi kupatikana. Kwa kuhusishwa na mashirika ya ujasusi za Marekani, MBS hajawahi kulengwa na vikwazo vya Washington. Baada ya kukataa mauaji hayo mwanzoni, Riyadh hatimaye ilidai kwamba yalifanywa na maafisa wa Saudi Arabia peke yao. Kufuatia kesi isiyoeleweka nchini Saudi Arabia, Wasaudi watano walihukumiwa kifo na wengine watatu kifungo jela. Hukumu za kifo zimepunguzwa tangu wakati huo.

Hanan Elatr Khashoggi, mjane wa Jamal Khashoggi, alijibu matamshi ya MBS kwenye jukwaa la mitandao ya kijamii X. Anatarajia kuomba radhi kutoka kwake: "Mwanamfalme wa Saudia alisema anasikitika, kwa hivyo anapaswa kukutana nami, kuomba msamaha, na kunilipa fidia kwa mauaji ya mume wangu."

Ingawa mtangulizi wake kutoka chama cha Demoratic, Joe Biden, alitaka kumtendea mwanamfalme kama "mtu asiyejaliwa," Donald Trump alimpokea kwa heshima zaidi kuliko kiongozi mwingine yeyote ambaye alitembelea Ikulu ya White House tangu aliporejea madarakani Januari.

Itafahamika kwamba viongozi hao wawili wana uhusiano mzuri kihistoria.

#10YrsJembefm #Familiamoja #AhsantekwaTime