Gilbert Kinyua" Uchunguzi wa Mauaji ya Mgonjwa KNH Wagonga Mwamba, Mshukiwa Mkuu Hana Hatia".

Uchunguzi kuhusu kifo cha Gilbert Kinyua, mgonjwa anayedaiwa kuuawa akiwa amelazwa katika Hospitali ya Kitaifa ya Kenyatta, umekwama baada ya mshukiwa kuruhusiwa.

Hali hiyo ni kikwazo kwa familia ya Kinyua, ambayo ilitarajia kupata majibu kuhusu jinsi jamaa yao alivyouawa katika uwanja wa hospitali. Kulingana na runinga ya Citizen, mshukiwa alifutiliwa mbali baada ya matokeo ya vipimo vya DNA kurudi hasi, na hivyo kuonyesha hakuna uhusiano wowote na uhalifu huo.

Sampuli za damu kutoka eneo la uhalifu, silaha ya mauaji na mhudumu mwenza wa Kinyua zilitumwa kwa ajili ya uchunguzi wa DNA, lakini hazijapatikana

Familia imeelezea kufadhaika kwa ukosefu wa haki au majibu mwezi mmoja baada ya mauaji ya jamaa yao. Wanasema taarifa zilizotolewa na Kurugenzi ya Upelelezi wa Makosa ya Jinai (DCI) zimekuwa si za kuridhisha, hivyo kuwaacha wakiwa wamekata tamaa.

"Hatujapata haki yoyote kutoka kwa DCI. Hatujaridhika," mke wa Kinyua Susan Wanjiku alisema kwa uchungu. Kamera za CCTV za hospitali hiyo, ambazo zilitarajiwa kunasa matukio, hazikuwa zikifanya kazi siku ambayo Kinyua aliuawa kinyama.

Kiongozi mkuu katika kesi hiyo ni kisu cha jikoni chenye damu kilichopatikana kimetupwa nje ya dirisha la wadi 7B, ambapo Kinyua alilazwa. Mkewe Kinyua alisema uongozi wa hospitali ulikuwa umewafahamisha kuwa watapokea simu na maagizo zaidi.

Walipowasiliana na hospitali kwa ajili ya sasisho, waliambiwa bado hakuna maoni kutoka kwa DCI.