MSANII KAVIN CASH AACHIA NGOMA MPYA

Msanii wa kizazi kipya Kevin Peter Stanley maarufu kama Kavin Cash ameachia wimbo wake mpya unaokwenda kwa jina la Pesa ambapo amemshirikisha G Boy

Wimbo huo wa kushirikiana wenye tungo za mapenzi unazungumzia maisha ya kijana wa kiume ambae anatumia pesa zake na mpenzi wake huku akiwataka vijana wengine pia kufanya hivo

Kevin Cash kwenye wimbo huo ubeti wa kwanza ananukuliwa akisema..

Namgharamia//

Si baby wangu namhudumia//

Sina kikubwa nina vi mia mia //

Asa nisipo mpa si watani ibia//

Kupitia mahojiano aliyo yafanya na Jembe Fm katika kipindi cha Jembeka20 Kavin Cash amesema kuwa kiasi kikubwa cha pesa ambacho amewahi kumpa Mwanamke kama kumhonga ni shilingi za kitanzania laki 4

" Mimi kwa baby wangu kiasi ambacho nimewahi kumpa inaweza ikafika laki nne sikumbuki kwa usahihi lakini inaweza ikafika laki nne "

Kevin Cash ameanza kufanya Muziki rasmi mwaka 2024 ambapo aliachia wimbo wake wa kwanza unaoitwa Jealous (lolo), muongozaji mkubwa wa video Tanzania Hanscana alihusika kwenye kutayarisha video yake na mpaka sasa ana nyimbo mbili zinazofanya vizuri ikiwemo Pesa ft G Boy .

KWENYE MITANDAO YA KIJAMII NI @@iamkevincash