Soma Habari Husika

Familia ya Mwanafunzi wa Darasa la 8 Aliyefariki Shuleni Yakataa Matokeo ya Upasuaji wa Maiti

• Na Asha Business
• March 13, 2024

Familia ya mwanafunzi wa darasa la 8 katika Shule ya Msingi ya Joy Garden huko Tena-Umoja ina shauku kuhusu ripoti ya uchunguzi kifo cha mtoto wao. 

Mnamo Ijumaa, Machi 9, mwili wa mwanafunzi mwenye umri wa miaka 13, Wesley Njiru, ulipatikana ukiwa umelala kwenye veranda ya shule hiyo baada ya kuripotiwa kutoweka. Familia imepinga ripoti ya uchunguzi wa maiti, ikidai kuwa mawakili wa washtakiwa waliwahujumu. Kwa nini familia ya Wesley Njiru ilikataa matokeo ya upasuaji ya maiti.

Kulingana na familia, kifo cha mtoto wao hakiamnatanai na ripoti ya uchunguzi wa maiti, ambayo ilisema mwanafunzi huyo alianguka kutoka ghorofa ya saba. Familia ilishangaa kwa nini hakukuwa na chembe za damu katika eneo la tukio baada ya mtoto wao kudaiwa kuanguka. "Tulipinga tulichoambiwa kuanzia mwanzo ... hakukuwa na damu kwenye eneo la tukio. Sijui kinachoendelea, lakini naomba haki kwa mwanangu itolewe; Sitaki pesa. 

Sikushauriwa, lakini tulikuwa na mtaalamu wa magonjwa; hatujui, lakini katika patholojia, hakuna mtu anayeandika matokeo ya mtu binafsi. Tuna shida, mtu ambaye ni mwakilishi wa shule alikuja kufanya upasuaji kama mwanapatholojia" babake mtoto huyo alisema. Mamake anayeomboleza, Stella Nyawira, alidai kuwa wakili wa mshtakiwa alimlipa mwanapathokojia bila wao kujua, jambo lililosababisha matokeo kinzani. “Jambo hili haliishii hapa. Tunaenda kutafuta haki. DCI walisema haikuwa sawa, lakini hapa wanasema ni sawa. Unaanguka vipi na unapoteza fahamu kabisa…Matokeo yalihujumiwa,” Nyawira alisema.