Soma Habari Husika

DR Congo Yapiga Marufuku Ndege Za Rwanda

• Na Asha Business
• February 13, 2025

Jamhuri ya Kidemokrasia ya Kongo (DRC) imepiga marufuku ndege zote zilizosajiliwa nchini Rwanda kutumia anga yake kutokana na vita vya uchokozi vinavyoendelea, Shirika la Habari la Kongo (ACP) limetangaza.

Uamuzi huu, uliochukuliwa na mamlaka ya anga ya Kongo, unafuatia ghasia mbaya ambazo zilisababisha vifo vya watu wasiopungua 3,000 katika mji wa Goma na miji mingine, mashariki ya DRC kulingana na chanzo hicho.

“Marufuku rasmi ya kuruka na kutua katika viwanja vya ndege nchini DRC imewekwa kwa ndege yoyote ya kiraia na ya serikali iliyosajiliwa nchini Rwanda au iliyosajiliwa kwingine lakini ikiwa na makao yake nchini Rwanda, kutokana na hali ya ukosefu wa usalama inayohusishwa na vita,” inabainisha taarifa hiyo kutoka kwa mamlaka ya Kongo.