BREAKING
DEVELOPING
JOKATE AWAMWAGIA SIFA WAWEKEZAJI.
Mkuu wa Wilaya ya Temeke (DC), Jokate Mwegelo amesema anafurahishwa na namna ambavyo wawekezaji wanaonyesha imani na Serikali na kuzidi kutanua wigo wa biashara zao.
Amesema hatua hiyo si tu inachangamsha uchumi bali inasaidia kupunguza changamoto ya ajira kwa vijana. Jokate ameyasema hayo leo Jumatano Desemba 8, 2021 wakati akizindua wiki ya huduma kwa wateja ya kampuni ya mafuta ya Puma Energy Tanzania.
Amesema kampuni hiyo inaendelea kuonyesha mfano kwa kuongeza uwekezaji wake kwa kuongeza vituo vya mafuta vinavyozalisha ajira mpya kila kukicha.
“Kiukweli nafarijika na kazi inayofanywa na kampuni hii kila kukicha tunaona vituo vipya vinafunguliwa na vijana wa kitanzania wanapata ajira.
“Wote tunafahamu ubora wa huduma za kampuni hii ndiyo maana inavyozidi kujipanua inaleta faraja kwamba watanzania wengi watafikiwa na huduma na bidhaa zilizo bora kwenye upande wa vyombo vya moto,” amesema Jokate
Unaweza Penda Hizi
