Kesi yafunguliwa kwa washtakiwa 12 kesi kubwa ya ubakaji nchini Uingereza

Nchini Uingereza, kesi ya washtakiwa wenza katika kesi kubwa ya ubakaji nchini Uingereza inaanza leo Jumatatu. Mwanamume mmoja mwenye umri wa miaka sitini alikiri kosa la kumpa madawa ya kulevya na kumbaka mkewe kwa zaidi ya miaka ishirini katika kesi ya ubakaji inayofanana na ile ya Mazan.

Mwanamume mmoja raia wa Uingereza mwenye umri wa karibu miaka 60 anatuhumiwa kumwekea dawa za kulevya mkewe kwa siri na kumbaka kwa zaidi ya miaka 20 (kati ya mwaka 2004 na 2025) katika nyumba yao iliyopo Stockport, karibu na Manchester.

Mume huyo anadaiwa kuwaalika wanaume wengine 12 (wenye umri kati ya miaka 28 na 73) ili wamfanyie mkewe vitendo vya ukatili wa kijinsia wakati akiwa hajitambui. Kati ya wanaume hao, wapo wanaofanya kazi kama wazima moto na aliyekuwa kocha wa mpira wa miguu.

Mume huyo tayari alikiri makosa 60 ya uhalifu wa kijinsia, yakiwemo ubakaji na kutoa sumu/kemikali kwa nia ya kudhuru. Washtakiwa wenzake 12 waliobaki wamekanusha mashtaka hayo.

Ingawa njia iliyotumika inafanana kabisa na kesi ya Ufaransa (ambapo Dominique Pelicot alimwekea mkewe Gisèle sumu na kuwaalika wanaume wengine wambake), kuna utofauti mkubwa wa kisheria.

Mwathiriwa alikataa kesi yake kuendeshwa kwa faragha ili kuondoa aibu kwa waathiriwa na kuiweka kwa wabakaji, jambo lililomfanya kuwa alama ya kimataifa ya kupigania haki.

Chini ya sheria za Uingereza zinazolinda waathiriwa wa makosa ya kijinsia, majina ya mume na ya mwathiriwa yamehifadhiwa siri na hayaruhusiwi kutajwa ili kumlinda mwanamke huyo asitambulike. Hata hivyo, vyombo vya habari vya Uingereza vimeruhusiwa kuchapisha majina na picha za wale washtakiwa wengine 12.